بتسأل على فين
بصراحة
مش عارف
لانه تقريبا مش بمزاجنا
من الاخر
الموضوع عن سواقين التاكسي تحديدا
لاني _ واكيد غيري كتير _ عندي مشكله معاهم
نرجع للحكايه من الاول
أنا : اه انا اتاخرت
أنا تاني : طيب والعمل انا مستعجل
انا: مفيش غير التاكسي
انا تاني : فعلا لانه مبيحملش في الطريق وبيمشي على طول
انا : تااااااااااكس .... الجامعة؟
السواق : اركب
انا لنفسي: الحمد لله
وبعد مرور مالا يزيد عن دقيقة..
السواق : لا انا مش رايح
وفي اللآخر يطلعني انا اللي غلطان
ازاي مش عارف
المهم نزلت بعد ما عملت الواجب طبعا
بس مش دي المشكلة
المشكلة اني مستعجل
تاااااااااكس : الجامعة ؟
السواق : اه اتفضل .. ( ايه الاحترام ده )
وفي نص الطريق ... واحده بتشور للتاكسي
التاكسي وقف وطبعا هي عاوزه تروح مكان
ملهوش علاقة باللي انا عاوز اروحة
التاكس : معلش يا باشا هنوديها .... ثانيه واحده
انا : ومالة بس بسرعة
اعمل ايه يعني
دي واحده ست كبيرة ... والدنيا شمس و .......
المهم اني اتاخرت
ويمكن ساعتها لو كنت ركبت ميكروباص
كان هيبقى احسن و اوفر
وانا لاحظت انها عاده عند سواقين التاكسي
وياريت لو حد عنده فكره
اذا كان التاكسي اتقلب ميكرباص
وانا مش عارف ولا حاجة
ياريت يقولي
وطبعا دي مش المشكلة الوحيده
مع سواقين التاكسي
والى اللقاء
في تاكسي اخر
وحادثة اخرى
السبت يوليو 21, 2007 9:10 pm